Mae llawer o bethau gwahanol angen eu newid, ond mae rhai pethau CLIR a SYML y gellid eu newid RWAN HYN.

Cwmnïau barus

Un o'r problemau gwaethaf ydy'r ffaith bod busnesau yn adeiladu tai newydd er mwyn gwneud elw. Weithiau, yn glên i gyd, byddant yn cynnig 10%, neu 20% hyd yn oed, yn 'dai fforddiadwy'.

Y tai 'fforddiadwy' yma sydd i fod i roi'r cyfle i bobl leol gael ambell tŷ yng nghanol yr holl rai sy'n cael eu prynu gan bobl o bell i ffwrdd.

Ond pam bod angen i ni godi tai newydd i bobl ddiarth?

SIAWNS y cawn nhw fforddio cystadlu yn y farchnad bresennol - SIAWNS y cawn nhw fforddio prynu un o'r tai sydd wedi'u codi eisoes! Pam ar wyneb y ddaear bod angen i NI godi mwy o dai iddyn NHW?!

Yr UNIG pobl sy'n elwa o hyn ydy'r cwmnïau sydd yn gwerthu'r tai i bobl gefnog o bell i ffwrdd.

Pam nad yw'r Cyngor yn sefyll i fyny ar ein rhan ni?

Mae codi tai newydd ar gyfer pobl o bell i ffwrdd yn gwneud niwed i bobl leol.

Mae'n cadw pobl ifanc lleol rhag fedru aros yn eu cymunedau.

Mae'n chwalu ein cymunedau.

Dim ond cwmnïau barus sy'n elwa, a'r rhan helaeth ohonyn nhw o Loegr!

RHAID rhoi stop ar hyn

Mae Cymuned yn galw ar eich Cyngor i newid eu polisïau cynllunio fel bod rhaid i BOB tŷ newydd fod ag amod lleol arno fo - dim tai newydd OND i bobl leol. Dim ond lle mae angen lleol mae cyfiawnhau codi tai newydd.

Digon ar reolau cymhleth, dryslyd sydd yn gadael i gwmnïau o Loegr werthu tai newydd i bobl gefnog o bell i ffwrdd ond yn rhwystro teuleuoedd lleol rhag godi tŷ i'r plant ar eu tir eu hunain.

Digon ar brisiau gwirion nad yw neb yn medru eu fforddio.

Digon ar i bobl eraill wneud elw o'n colledion ni.